HYBO Transcription Studio/ imBoss 0928 / cu v3 聲

cu v3 聲

imBoss 0928 · 2026-10-15 · 6.9 分

transcribedLanguage yue · Est. US$0.0253

重點 Key Topics

AI 會讀完整逐字稿後抽取真正節目主題，不再用「我們／那麼／這樣」呢類高頻詞。人工加／刪的重點會保留。

Gemini：Ready · gemini-3.5-flash

創辦網店契機AI 決定全職創業AI 二十七歲確診癌症AI 家人陪伴抗癌路AI 克服骨枯重拾步履AI 重開卷蛋店謝顧客AI 招牌麻糬卷蛋特色AI 抗病重新出發感悟AI

Speaker Review

Raw Speaker 只係 ElevenLabs 原始辨識；同一真人可以有多個 Raw Speaker。人工逐段指定永遠優先，Undo Raw Mapping 唔會清走人工 Override。

✓ Speakers 已處理

合併 Raw Speaker勾選 2 個或以上 Raw Speaker → 可合併到 Project Memory 或本集已確認人物

選取作合併 · 26 段

完整逐字稿（原始）

逐段校正以上面審稿區為準；呢欄保留 ElevenLabs 完整原始 transcript 作對照。

咁零七分嘅時候—— 爆滿。 我就已經滿哂啦，我就覺得，哇，有冇咁誇張啊。 七分鐘咋喎。 嗰陣時我就覺得晴天霹靂喎，我先二十七歲咋喎，我仲有好多嘢未做。 今集呢，我哋好開心呢，可以邀請到 CU Roll Cake 嘅創辦人家蔚—— Hello。 嚟到我身邊。啲咩緣故令到你真係突然之間，咦，忽發奇想，啊，你又會識做呢個 roll cake 啦，跟住同埋又會想創業嘅呢？ 就疫情嗰陣時喺香港啦，冇嘢做，因為其實我好鍾意去旅行。 嗯。 咁我困住啦，有一日呢，就喺度睇手機。 嗯。 就碌到一條片，就教人整 roll cake 喎。啲朋友話：」啊，不如你去試下開網店啦。」咁樣。跟住就開咗個 IG shop，跟住點知就真係有人買喎，真係收到錢喎，就開始咗呢條創業之路。 係啲咩原因令到你呢，咁有勇氣突然之間直情將 roll cake 呢一樣嘢創業成為自己事業呢？ 嗰陣時 IG 開團結，兩點一開放，睇住電腦，不停，呃，啲回覆不停加加加加加加加加加加。咁誇張啊。 七分鐘咋喎。 係啊。 仲要第一次開團。開始創業嘅時候，咁係咪直情就 quit 咗嗰份穩定的工作？ 我自己有啲 [咂嘴] 不甘心。 嗯。 即明明，哦，我可以接到咁多單，我可以，呃，再 build up 多啲自己嘅人工喎，咁點解唔試下呢咁樣？ 嗯。 咁就有呢個諗法之後就粗粗地就揾間工場租咗，跟住就 quit 咗份工。 但係我又知道呢，你呢個事業呢，中間呢突然之間停滯咗一段時間喎，咁究竟發生咩事呢？ 咁有一日喺工場度做嘢，咁我做做下覺得自己好唔舒服，發，好似發燒咁樣。咁去到樓下，我就無啦啦暈咗條街度，咁當時就入咗醫院，咁就做咗個檢查呢，就掃描個腦呢，話生咗一嚿嘢，冇得醫嘅，應該十成都係腦癌嚟嘅。聽完腦癌之後呢，我係畀唔到反應佢。 嗯。 咁啊醫生走咗之後，我就自己喺手機度 Google，就腦癌啦，咁，咁嗰陣時我就覺得晴天霹靂喎，我先二十七歲咋喎，我仲有好多嘢未做，我唔想咁快死呀，因為我仲有屋企人㗎嘛。之後就再做咗好多檢查啦，之後翻勾就係一個淋巴癌，咁就喺醫生—— 又 Google 啦嘛。 係啦 [笑]。係嗰陣時醫生同我講嘅。 哦。 咁醫生就話：」啊，呢個係有得醫嘅，只係可能條路會，呃，辛苦啲。」我就帶住樂觀嘅心情去面對化療呢件事。化療咗六個月，一路都冇喊過啦，因為屋企人又有陪住我啊，又有朋友陪住我啊，唔係我自己經歷呢件事都，係有佢哋陪我，我先經歷到呢件事。咁媽咪其實以前係有份全職工作做醫院嘅，咁她就有時，呃，收三點呢，就會衝返屋企附近街市啦，就要買啲新鮮嘅菜，咁就趕起五點嚟探病嗰陣時就過嚟整畀我食。就每日，不停日復日都係咁樣做。咁啊探病時間五至八呢，她都會坐到八點鐘，我同她講：」媽咪你走啦。」她，她先肯走囉。即係，即看似好簡單嘅事，其實你要一個人日日都喺度咁樣做，其實係，係唔容易囉。我住院嗰段時間，阿爸阿媽應該係冇坐喺度好安安穩穩咁樣食飯啊，諗起我就覺得 [吸氣] 即係好唔—— 擔心。 開心啊。化療完六個月啦，某有一日，個左邊大髀好痛喎，就算唔行路，喐，唔喐啊、喐啊都好痛，就去照一照檢查，話發現我骨枯。嗰陣時乜都做唔到，一喐就痛啊，就每日喺，喺屋企好似覺得自己好，好廢啊，廢人咁樣。就嗰陣時會有啲情緒啊，不停喺度喊啊咁樣囉。因為我嗰陣時坐輪椅，咁啊爸爸會推住個輪椅上斜路啊，呃，他推住我嗰陣時，我就個心會個頭up啊，即係我明明係三十歲，我係應該照顧返你哋嘅，但係就反而，即你要個六十歲，佢係 [嘆氣] 咁樣推上去，我就覺得，即係好心up，但係我就嗰陣時係我做唔到啲乜嘢囉。即係只可以，即感恩我有父母去陪伴我呢段時間。最屘真係做到手術啦，做完手術就，即個人開心哂啊，終於可以正常行路啊，就雖然都係唔可以跑。 嗯。 但係我覺得，即係可以再用自己個雙腳去感受呢個世界，其實真係一件 [咂嘴] 真係要感恩嘅事囉。 今次 CU Roll Cake 再重新開始、再出發嘅時候，自己有啲咩感受呢？ 真係好大感受嘅。即可能以前係啊，賣到好多卷，但係我嗰陣時目的係想為錢。而家再整呢啲卷蛋啦，我就覺得我多咗一份感恩嘅心，多謝佢哋嚟買我嘅嘢。起開工場嗰陣時，有個客支持到我而家嘅。嗰陣時我喺 IG 宣佈要停業啦，因為我有病，咁佢哋就話：」你身得健朗啦，我會等你返嚟嘅。」但係到我而家真係開返出嚟啦，嗰啲客係真係：」我終於等到你返嚟啦。」咁啱有個客原來係我個朋友嘅同事嚟嘅。 嗯。 佢就話：」我上次見到佢食你啲卷蛋呢，佢開心到喊啊。」 嗯。 即係我覺得成件事好，好感動啊，有人等我返嚟去整返呢啲卷蛋畀佢哋食。 直情名副其實嘅 CU Roll Cake 啦。最緊要就係話畀大家聽，同其他嘅卷蛋有啲咩分別先。 嗯，你要試下啦咁 [笑]。 係嗎？嗯。真係好軟熟嘅呢個蛋糕啦。裡面嗰個 mousse 呢，都係做得好，好軟熟㗎。個甜度唔會好甜啦，所以入口嘅時候係都好，好似真係有少少入口溶化。中間加咗啲好似麻糬咁。 麻糬，係啊，係啊。 嗯。 招牌麻糬。 嗯。 嗯。 上一次嘅停業呢，就唔係因為你失敗啦，而係真係自己身體患病啦。咁但係呢，要再一次開呢，其實都需要好大勇氣，因為我知道你而家都仲繼續係接受緊治療啊，你有啲咩感受呢？ 嗯，我最大感受係，即係雖然上天上次閂咗我一對門，但係我覺得而家係再有新一對門去畀我再重新嚟過啦。 嗯，我都相信呢，你嚟緊嘅客人呢，可以更加感受到你呢一個 roll cake 裡面呢，嘅用心同埋裡面嘅美味。今日呢，非常之多謝你呢，可以做我嘅嘉賓啦，咁呢亦都可以畀更加多人呢認識到呢個 CU Roll Cake 嘅。我好 enjoy 佢呢一個 roll cake，我諗大家試完之後都會覺得越食越滋味啊。 [片尾音樂]

原錄音檔

原錄音仍保留在 Server。

cu v3 聲

重點 Key Topics

Speaker Review

逐段審稿

完整逐字稿（原始）

原錄音檔